كلمات اغنية في كل زمان تتر بداية مسلسل المداح أسطورة العشق

في كل زمان يسيب ربك في وسط الناس

واحد منهم يكون في السكة ضل ونور

وفي الاساطير قصص ياما و100 وسواس

ومكتوبلك تواجه في الخفا والنور

لاجل الضعيف واللي اتأذى داس في الخطر ولا خاف

وقصاده من خاف البشر بقى منه هو يخاف

مصروفله من رب البشر والمخفي شفاف

واحد لكن بايمان قوي ما يقف قصاده الاف

الذكر زاده دعائه بلسم يشفي كل عليل

كل اللي قاصد بابه راجع قاله عنه كل جميل

شاف الهوايل بس صابر صابر وصبره جميل

مداح وربه فاتح عليه عن غيره عاش بيشيل

صراع وداير من البدايه ولحد يوم الدين

ربك وعالم بالنهايه ربك سند ومعين

حرب الشيطان ويا البشر ولا عمرها بتلين

وانت يا شايل همهم واقف بدرع متين

القلب طاهر متين وظاهر كل السبيل لله

صاف النوايا مالوش غاية غير رضى مولاه

ماشين خطاوي طبيب يداوي كله باذن الله

فاتح بيبانه والمولى عانه لاجل الضعيف وحماه

صراع وداير من البدايه ولحد يوم الدين

ربك وعالم بالنهايه ربك سند ومعين

حرب الشيطان ويا البشر ولا عمرها بتلين

وانت يا شايل همهم واقف بدرع متين

ربك ورايد كل الشدايد من بين ايده بتهون

بالامر صابر والشر غادر بامره كن فيكون

الهم زايل في قلبه شايل من الوجع بالكوم

عايش وراضي عايش يراضي وسره مش معلوم

صراع وداير من البدايه ولحد يوم الدين

ربك وعالم بالنهايه ربك سند ومعين

حرب الشيطان ويا البشر ولا عمرها بتلين

وانت يا شايل همهم واقف بدرع متين