كلمات اغنية والليل يجيب تتر بداية مسلسل سره الباتع

والليل يجيب ما يجيب الليل

جايبلي مين المرة دي؟!

غوازي راكبة ضهور الخيل

ولا ديابة فـي توب قاضي؟!

لو جاي طمعان فـي مذلة

في ألف ليل قبلك ولّى

رحايا يامة ع الغلة

وع الأعادي اللي تجيلك

سرك قديم يا أم الأسرار

يعدوا روم ويعدوا تتار

قايدة لعداكي غيطان النار

وللحبايب قنديلك

قبل الزمن بزمن قبله

جه النور هنا وربط حبله

على القلوب اللي اتقابلوا

ومشيوا فـي ضل سبيلك