كلمات اغنية حل أخير مسلسل كارثة طبيعية

جسمك مفرود ومدد

لكن مش بتنام

وسريرك متساوي

وجواك صاحية الأحلام

تفكيرك بيودي وبيجيب

فواتيرك ومعاك كام في الجيب

أسئلة تملاك عن امتى وليه ومنين

كان ممكن نعمل ايه

كان ممكن نوصل فين

احتارنا كتير وسألنا كتير

وأنا وانتِ وصلنا لحل أخير

بعد التفكير قرّرنا

نعد نجوم الليل

بدل الحسابات

بعد المشاوير

أيام العمر هنحسبها بأحلى الأوقات

مع إني كبير

أنا أصغر من إني أحل الفوازير

أو ألاقي لكل سؤال تفسير

مع إني كبير جوايا كتير

أنا كل الخوف ما يشدني تحت

أدوسه وأطير

أطير أطير أطير

طول ما إيديا في إيديك

سيبك من الدنيا

أنا ساندة وماسكة فيك

لو ضاقت الدنيا

وإزاي قلبك يخاف

وأنا قلبي بره أمان

أنا نجمتك في الليل

والحضن والعنوان

خلينا ماشيين على سكة الأيام

ومسيرها تروق وتبقى تمام

وبدون تفكير

نسهر نعد نجوم الليل

بدل الحسابات

بعد المشاوير

أيام العمر هنحسبها بأحلى الأوقات

مع إني كبير

أنا أصغر من إني أحل الفوازير

أو ألاقي لكل سؤال تفسير

مع إني كبير جوايا كتير

أنا كل الخوف ما يشدني تحت

أدوسه وأطير

أطير أطير أطير