كلمات اغنية ياويل قلبي أحمد الأسلمي 2025

ماعرفت ان الهوا اجمل شعور

لين تاه قلبي في عشق احتواه

احتواني من ظلام الليل نور

نور عيني ياعسى روحي فداه

ياويل قلبي من دلع داعج العين

كحل العيون اللي توسد منامه

شف حالتي وانا معه بين نارين

عشق ومحبه ولا بعد وسلامه

ضمني بشويش ياسمح المحيه

واعكس السير وتعدا في مساره

لك انا المشتاق في روحه وجيه

ضمني محتاج انا شوق وحراره

كم جبرت من الخواطر لك كسور

وكم رويت الحزن فرحه من ضماه

وكم غفرت وكم وفيت ابلا قصور

ايه حبيبي اللي تولعت ابغلاه

ياجزل بيوت الشعر واصعب موازين

يامنوة. العاشق وكل اهتمامه

قصيد شعري اختصرته في شطرين

شطر المحبه وشطر مدري علامه

اكتويت بحبها والنار حيه

من تسيد وسط قلبي بالصداره

اكتفيت بحبها من صدق نيه

واكتفى محبوب قلبي باختياره

والعناد البي توصى به غرور

بدل اشواق المحبه من اذاه

من يصدق ذاك حبه لي يبور

وضاقت افجوج الاراضي من جفاه

الله على وقتن قضيته من سنين

ماكنه الا بريف حبك ايامه

حبن سطا بالقلب وسط الشرايين

ياوجد قلبي لا تذكر اللامه

يوم كنا بالهو صبح وعشيه

من بعد ذاك الحلا ذقت المراره

والسهر واحلى ليالي سرمديه

والنجوم بليلها مثل السهارى

ومادريت ان الجفا فيها يجور

واكتسا سود الليالي من قساه

وماهقيت ان الليالي لوتدور

تطوي الماضي وتطوي ماعطاه

ياليل ياجامع على الود قلبين

تشفى قلوبنا صوبتها السهامه

من عقب ما كنا على الزين والشين

ماعاد فينا للمحبه غرامه

لا تعيش الدور وتكون الضحيه

لك مع الايام ذكرى وابتسامه

ولا بغيت تروح لك مني تحيه

ماعليك اخلاف روح امعى السلامه