كلمات اغنية انا مش فاضلكوا أحمد شيبة 2021

أنا مش فاضي لكم، مش فاضي لكم

أوعى تزعل لو زرعت في يوم جميل

والجميل راح عند حد ماهوش أصيل

واللي باعك بكرة يتندم ويرجع

وأما يرجع يبقى حمل له الثقيل

إقروا التاريخ وهتعرفوا سيرتي الذاتية

أنا اللي اِسمي ينضرب له مليون تحية

واللي قالوا عني كلمة ولو في غيبتي

هردها لهم بس بدل الكلمة مية

أنا مش فاضي لكم، لما أفضى أجي لكم

هتشوفوا مني حاجات غريبة بشكل ثاني

وإنتوا ونصيبكم، لما أبقى أجي لكم

بس إبقوا سدوا على اللي يطلع من لساني

عاملين حبايب للي قدامكم وبس

أما اللي غايب لا حد فاكره ولا يوم بيه حس

هو اللي يمشي بالأصول يتعب معاكم

فاكركم ناس لكن خسارة أقول إيه بس

تاعبين قلبنا قوموا من جمبنا إبعدوا عننا جبتوا أجلنا

شوفوا ناس زيكم كده تشبه لكم مش ناقصة كمان توقفوا حالنا

حبة عصافير وبتهروا كثير إدعوا لي ما أنا اللي مكبركم

مين بيحبكم باي على راغيكم ما لسانكم ده اللي مأخركم

أنا مش فاضي لكم، لما أفضى أجي لكم

هتشوفوا مني حاجات غريبة بشكل ثاني

وإنتوا ونصيبكم، لما أبقى أجي لكم

بس إبقوا سدوا على اللي يطلع من لساني

فاضيين ودماغكم شغالة خليكم للآخر رجالة

ولا إنتوا لما تيجي لكم الحالة بتعيشوا في الدور وتسوقوا فيها

فاكرني خلاص ليكم قليل هغلب وأحتار مع كم عيل

هلاعبكم وجدع اللي يشيل والشاطر يضحك بعديها

وحياة دي النعمة على عينيّ ما هحل حد

هستخسر فيكم بق المية وقفلت بجد

وهرش وهكنس حواليّ وهقعد وأحاسب

زعلان عليكم عشان دخلتوا في سكة سد

علوا في حسكم هاتوا ما عندكم برضو أنا عمكم وبعرف أكيد

جي حالف لكم والله ما هحلكم روحوا ناموا قبل الليل ما يليل

ناس متفرعنة قلة وقرننة غاويين ونونه ولا يوم سدوا

حد يقول لهم إن شاف وشوهم اقعدوا على حيلكم واتهدوا

أنا مش فاضي لكم، لما أفضى أجي لكم

هتشوفوا مني حاجات غريبة بشكل ثاني

وإنتوا وناصيبكم، لما أبقى أجي لكم

بس إبقوا سدوا على اللي يطلع من لساني

أنا مش فاضلكم