كلمات اغنية رمضان فى مصر أحمد عزت 2011

رمضان في مصر ميتوصفش بكلمة ولا اتنين

رمضان في مصر السيدة وسيدنا الحسين

ولمة العيلة وعيلة العيلة والأصحاب

يا رب على رزقك فطرنا ليك كلنا صايمين

و في كل شارع عالأقل في مائدة رحمن

ومتلاقيش أبداً فقير بيبات في ليلة جعان

وإذا أذن المغرب وناس لسة في طريق البيت

هيوقفوهم ناس يحلفوا نفطر سوى يا جدعان

وصوت الحصري والمنشاوي والبنا

دعاء جبريل يا رب أوعدنا بالجنة

دروس حسان مع الشعراوي والقرآن

بيتفسر قصادك معنى ورا معنى

ولمة الناس في الجوامع في صلاة تراويح

ودموع ورعشة خوف وتوبة نصوحة للرحمن

متجمعين وطمعانين يتقبلوا من التايبين

وبيبكوا مع كل آية رحمة في القرآن

ولعب الكورة والتقسيم مع صحابنا وأحلى اجوان

وفرحة في كل شارع باينة والزينة ولمض رمضان

وفوانيس رايحة جاية يا حلو هل الخير في كل مكان

والسهرة تحلى في أحلى قاعدة عالفيشاوي في الحسين

بعد القطايف والكنافة والعرقسوس وقمر الدين

ومسحراتي يفوت يوماتي يصحصح النايمين

اصحى يا نايم وحد الدايم رمضان كريم

وصوت الحصري والمنشاوي والبنا

دعا جبريل يا رب اوعدنا بالجنة