كلمات اغنية صياد أرسينِك 2025

و انا اتناشر سنة ابويا قالى لما تكبر نفسك تبقى إيه

قولتله اطير اروح القمر اشفى جروح البشر اكبر ابقى مليونير

و كلام ف حب الوطن قاللى بطل هبل طول عمرنا جمب الحيط

يبنى البطل ف الزمن ده اخرته ويل

قولتله انا غير

انا غول ف الضغط بقول و بفخر انا افوت ف الصخر اشقه نصين

لا بقول شطبت ضان خلصت يا دوب وررم اب و أكلكوا ف السير

و ان كان بيدى اغير الدنيا يا حج ده انا اجيبلك قصر مش بيت

بس انا كل ما املك ايدين قولى ازاى هغير بإيدين

حبيبى الشارع مش امان

المكان الى انا و انت منه عالم تانى غير الشارع ف الإعلام

لا حب دام ولا شريك فضل و لما أمنت صاحبى خان

و انا صحابى جدعان

ف الشدة ع الجد

ستة مش كترة شلة ع القد

هكبر و بكرة أحب و اتحب

أكبر بكرة و ابنى الى اتهد

و أهد الى هد

اهاب ربى و انت مهابش من حد

خلصنا و كان الى كان

ما الزمان غير الزمان

و الى اذاك الزمن أذاه

و ارمى السلام للى باع

سنة ف سنة ف سنة عدو و بدأت أشك انا إيه

اب ف بلد ام ف بلد و الولد ف النص بين البلدين

عيلتى اتفرقوا ف الخريطة بلمهم شطرنج دى مش جيم

بس كل مرة بخسر نفسى فيها لما احاول أرضى الطرفين

و تانى الحب سمعته اما ندانى

و اه يانى و يانى

انا المجنى و انا الجانى

كنت محتاج انى اصلا احبنى لجل أقدر احب حد تانى

حتى الصحاب الجدعان

يتعدوا ع الكف

شوفت الى حالته كرب

و الضرب ساحله اما لحسله عقله و اتسف

شوفت اخوات و غشت و نافقت

قالت و لفت

صفيت الدايرة مش هنتغفل

و انا همى فيا منكرش

بس الطفل فيا مكبرش

طول ما ف نص السكة موصلش

مسافة السكة جاى جرى

مش محتاج غير ايدين و إصرار

فا هرمى هفضل أصطاد

يابا انا ف قلبى صبر صياد