كلمات اغنية الفزعة ابو يوسف السلامي 2025

الفزعة

خـــلاص انا ياذيب قـــــررت السفر

والله من ذا الــــــوقت يكفيني بلاه

ماشفت غير الضــــيق منــه والكـدر

ولا لقيــــت الا المـــــشاكل من وراه

با اعيش شـــامخ مثل مــا دار الحجر

توقف لي الدنيا بما فيها انتباه

يغيب من ما غـاب يحضر من حضر

ذي ما يبانا في حـــــــــــياته ما نباه

كلي ثقــــة بـــــ الله خــــــلاق البشر

وغايتي الاولـــى فــي الــدنيا رضاه

يهزني شــــوقــي لــــ ميــدان الظفر

وتحيي انفاســـــي هـتافـــات اولياه

قلو لمن ضـــن الاخـــــاء دلــــة مدر

ترك الخـوي فينا كما ترك الصـــــلاه

الحـر مــا يرضـى على الحــر الضرر

ولا ينـــزل للحـــــضايـــــــر مستواه

الفــزعـة اللـي مـاتجـي قبـل الخطر

مثل الخطيب اللي يجي بعد الصلاه

الوقت مثل السيف يشـــتي له بصر

با يقطعك لا مـــا قطعته فى الحياه

خذلك من ايامــك ومـــا فــاتك عبر

واعبد الـــه الكــون وحــده لا سواه

واقـــنع بما جــــالك ضحى ولا غدر

لـــن القناعــــــــة كنز في نهج الاباه

وان شفت وضعك يارفيــقي ماسبر

ارزم علـــى بيــرك ولا تفــتش غطاه

كم ناس قبلك عـاش فــ الـدنيا عقر

وجنال ما اتمـــــــــنى وحقـــق مبتغاه

وناس بين المال عايـــش في ضجر

لا مبتغا نالــــــــــه ولا حقـــــق مناه

بـ المختصر خيـر الكـــلام المختصر

من باع دينه بالبقش باع اقرباه

بعض المواجــــع ماتــــــداويها الابر

ولا مريض النــفس يستحــمل دواه

عليك بالحيطة الشـــــديدة والحذر

الناس ماهم شـــــــي سوا بـ الاتجاه

كلن ولــه ياصـــــــاحبي وجهه نضر

كلن ولــه سلــطة وسط قومه وجاه

صدق النبا يشهد على صــدق الخبر

العاقـــبة لله دايـــــــــــــــــم واتقياه

يؤمن من امن به ويكــــــفر من كفر

كلن فـــي الاخـــــر عيحصد ما ذراه

اما فــــــــي الجنة واما فـــــي سـقر

يومـــــــــــاً يفر المــرا من امه واباه