كلمات اغنية زمن مقلوب ابو يوسف السلامي 2025

ياطير السما الــــزاجل بالله وصل المكتوب

لـ اهل العــــز في زامل من صافي دواويني

شل البال بعدي شل واسمع لحني المخصوب

بالــــه ليــــــــل بالــــه بل مـافيني يكفيني

اوبه وانتبه واعـــــقل لنك في زمن مقلوب

واحسب قبلما تجــمل لــــن الناس صنفيني

ذا ياخـــذ وذا يبذل ذا غـــــالب وذا مغلوب

وذا يــوفي وذا يخذل ذا اصلـــي وذا صيني

ذي تلقاه قل قل قل لاتــــــــأمن عليه بنوب

يمشي عكس ما بتقل ســـــــــكانه اوربيني

هـذا أل او بي أل نفـــــس الطبع والأسلوب

يشتي له حـــــذر واصــل بالكبتل وبالميني

ليس الكل معــــــنا كل المطلوب والمرغوب

لو مــابه عدو حـــــاصل مــابه لك محبيني

خليك شخص متفائل قلبك بالامل مصبوب

لا تمشي ورا الفاشل تفــــــشل يانضر عيني

اكرم جل ضيفك جل واترك صحبة المعيوب

وانما حل قــــومك حل تفخر بك سلاطيني

من يبغا العسل ياخل يتحمل شــواك النوب

ومن يجهل عقـــود الفل يشري له رياحيني

قل الكبر اقلك قل عــادك لمس بين الطوب

تشكي حظك العاطل لـ اوراقــــي وتدويني

بين وضعك المقبل من تاريخــك المسحوب

مهما اعليت باتنـــــزل وانا افـرد جــناحيني

حـب الناس للعاجل ذراهـــــا الغد المرقوب

ومن لم يحـسب الآجـــل تغويه الشياطيني