كلمات اغنية زمان الغربله احمد الحروبي 2026

لولا الظروف القاسيه والنوايب

محد عرف من صاحبه من عدوه

مافي العوافي خلق ربي حبايب

فاحذر ونقي صاحب العمر نقوه

ما تكشف اصحابك سواة المصائب

تعرفك ما جمع كلمة مخوة

كم من عسر شفناه وقت الحرايب

محزم ولابه للنشامى وعزوه

ويش الفيالق لا حضر والكتايب

تقصير في حقه اذا قلت قوه

وكم دني لا شبت النار غايب

وقت المواقف ينسحب او يموه

حقير متيهود مذبذب وعايب

به فرق بين اهل الطمع والمروه

قد رب صاحب خير لك من قرايب

لو تأمره للموت يمضي بتوه

فعله كبير وحكمته شخص شايب

يحمل عزيمه تنصره كل غزوه

يصبر ويتحمل جميع الغلايب

لاجل الخوي لو يبتلي الف بلوه

والجيد ما يختار غير امر صايب

مخوته مكسب ونعمه وثروه

هذا اشتريه ولا تهم الضرايب

وابعد من الي تجمعك فيه رشوه

هذ زمان الغربله والعجايب

وانت المخير سو ذي با تسوه

ماتستويش اهل العقول اللبايب

كلن يساير حسب طبعه وجوه

تبقى المواقف للقرون الرجايب

ذي صانت العهد اسفله من علوه