كلمات اغنية جت اتبختر احمد الرجعان 2021

جت اتبختر جات يا حيّ هالزين

يلفح شعرها بنت روس الزعامه

جت الاميره وسّعوا بـ الميادين

يا حيّ زولِ فيه زين و طخامه

يا قاهره بـ الحسن كلّ المزايين

فلّي جديلك و العبي بـ اللثامه

ي اجمل بنات الكون ما مثلك اثنين

من شاف زينك .. ماتشيله عظامه

بالعنق والوجنات والخصر والعين

سبحان من كمّل حلاك بـ تمامه

يحقّ لك يا فاتنه .. لو تباهين

وجهك ضيا .. يجلا ليال العتامه

شيهانةٍ تسوين كلّ الشياهين

من غار منّك .. مالحقته ملامه

بنت الشيوخ اللي ترد المعادين

بنت الامير .. اللي رفيعٍ مقاااامه

عمك وخالك بالملاقى سلاطين

وجدك يجرّد بـ الملاقى حسامه

تمايلي بـ الساحه ، يسار ويمين

وتبسّمي يا زين هـ الابتسامه

لك وقفةٍ تذهل عقول الكثيريـن

مثل الفرس في وقفته مع قوامه

حبّك سكن بالاورده و الشرايين

مالوم قلبٍ معلنٍ لك .. غرامه