كلمات اغنية زين بدوية احمد الرجعان 2021

زين بدوية

وسعوا للي بها الزينِ غطّاها

جَـادلً كنَّ المنصّـه تنَـاديهـا

شـوشّت كلَّ الجمَـاهـير محْـلاهـا

يومِ طبّت كلِّ عينً تـراعيهـا

والحفل ماله ترى روح لولاهـا

هيّضت كلَ العذارى “معَـاليها”

ملفتَه في زولهـا ،، في مـزاياهـا

يـاعسى ربّي منَ الحسْدِ يحْميها

جـامعه زين البدو في حلايـاهـا

وبْـدويـة ساس ماحدً يمَـاريها

الله اللي عزّها والله اعطَـاهـا

الفخَر والطيبِ بالدمٍّ مرويهـا

والحيَا من طبْعها طابِ مجناها

والسنَع والدّينِ فيها يغطّيها

مَـا خسَر منهو على العزِّ ربّـاهـا

لين صارت شيخةً يقتَـدا فيها

بنت قوم افعـالهم مـا جهلناهـا

عـزوةً فعل المكـارم مبَـاديـهـا

جلِّ شان اللي بهالزينِ سوّاهـا

اشهد انّ المدحِ ياناس زاهيها