كلمات اغنية غزال الريم احمد الرجعان 2020

يا غزال الريم فلّي جدَيلك والعبي

العبي يامَّ الحلا والوصوفَ الوافيه

شوشّي يابنتِ قوم المفاخر واطربِي

شوّشي معْكَـ القصيدهـ وزينَ القافيه

انتي اللي وافيه بالـحسنْ والمنْسبي

والخصايل كلّها فيكِ والله وافيــه

انتي بنتَ العزِّ والاصلِ ساسْ معرّبي

لجْلك تسَاق القدمْ لو مشتْ لك حافيه

عذّبي أهلَ الحسد يالجميله عذّبي

جعل منهو يحْسدك ما يشوفَ العافيه

لو يشوفك شايبً يرْجع بعمرهـ صبي

نظْـرة عيونكـ ترا للمعنّـا شـافيه

فيكِ منْ عينَ النداوي ومنْ جيد الظبي

نجمةً شعشع ضيـاهـا ولاهيِ خـافيه

اكتبي في صفحةَ الزينِ بالله اكتبي

“انّك اجمل ماانخلق” كلميتنً كافيه

هيبتك مثلَ الاميرهـ وتطلبْ ماتبي

تـامر ولاحدً يجاوب بـ”لاء النافيه”

والله انّ اللي يشوفك يصلّي عالنبي

فيك زينِ وفيكِ طيبً ونيّه صـافيه