كلمات اغنية يطيح سوق البنات احمد الرجعان 2020

قومي العبي واحرقي قلوب عدوانك

عذولتك من جمالك .. صابها حرّه

ارقي المنصّه و غنّي بـ اعذب الحانك

يا سيّدة كلّ زينٍ .. بحره و برّه

يطيح سوق البنات ان مرّ عنوانك

مالومهم يا مقام الحسن يا درّه

ايه اكشفي فجرك وربّ الملا صانك

يبين .. نور الفجر .. لا بانت الغرّه

عطاك ربّي .. وصوفٍ تهزم اقرانك

وخدود بالحسن والاخلاق محمرّه

حسّادك اليوم لو قاموا بـ نكرانك

ما حرّكوا فيك مثقالٍ .. ولو ذرّه

طيبك ترا ورث لك من طيب جدّانك

يا بنت شيخٍ .. يعزّ الضيف ويسرّه

خوالك العزّ .. والا طيب عمّااانك

تشهد له الناس بـ الوقفات وتقرّه

تفاخري وانثري شعرك على امتانك

وانتي سليلة حرارٍ من بطن حرّه

يختال لولك على بحرك ومرجانك

يا قرّة العين .. وانتي للحلا قرّه

بالحسن والزين دايم عاليٍ شانك

مافيه احد في حلاك اليوم بالمرّه

غلبتي حسّادك وبرهنتي .. برهانك

ياويلها اللي .. تبي تعاود .. الكرّه