كلمات اغنية حب زياده احمد السلطان 2020

تدري أحبك تدري شقد

بقد الدنيا ونفس القد

مو بس بقد الدنيا

إسمع مني وبلش عد

اللي حبه قلبي وراده، قد حب أهله وزيادة

اللي حبه قلبي وراده، قد حب أهله وزيادة

أحسه صار بدمي، إدمان وسوله وعادة

أنا أحبك يا مجنون، بكثر الناس بهذا الكون

أحب شكلك وهذا اِسمك، معلقه برقبتي قلادة

يا اللي تسوى عيني ورمشي

والقلب وتسوى كل شي

تسوى الشايب تسوى الشاب

والطفل اللي توه يمشي

أحسك تمشي ويّا الدم، وبحنيتك كأنك أم

أحسك تمشي ويّا الدم، وبحنيتك كأنك أم

إفهم أني ميت بيك، وغير أحبك ما أفهم

من بغداد لحد دبي، حارة حارة بيت وحي

أني أحبك قد الكون، وأكبر من الكون شوي

تدري أحبك تدري شقد

آسف ماكو لحبي حد

مثل الهواء مثل الماي

لا ينحسب لا ينعد

أنا أحبك حب إدمان، للنفس مثل الغرقان

أنا أحبك حب إدمان، للنفس مثل الغرقان

من بغداد لحد بيروت، ومن بيروت لحد عمّان

صرت أحبك حب أيتام، وبقد شوقي لشوف الشام

خدك وردة بنص بغداد، والشفة تمر الدمام