كلمات اغنية مية حساب احمد سعد 2020

بتشرف بيكم وبقول إن الدنيا بحالها حسداني عليكم

دي حتى الطيبة دي جواكم بتبان في عينيكم

ده مقامكم عالي أوي عندي من بختي الحلو ومن حظي

عشرتكم عندي أنا بالدنيا مقدرش أبعد عنكم ثانية

الله يخليكم

أنا وسط ناسي بيتعمل لي مية حساب

والشهم ليه مكان وسطنا لو حتى غاب

إحنا الرجولة والأدب والاحترام

معمول لينا في الجدعنة مليون كتاب

ما ياكلش عيشنا وملحنا غير الأصيل

لو حد ضاقت يوم عليه على أخوه يميل

كلمتنا واحدة وع الحلال متربين

في أي حتة معروفين من غير دليل

أهل الرجولة والشهامة والكرم

إبني وأبويا أخويا صاحبي المحترم

أهلي وحبايبي اللي ليهم وضعهم

وإسمهم أشهر من النار ع العلم

الناس في قلبي كوم يا صاحبي وإنت كوم

لو عشت طول العمر أشكر فيك وأصون

ما يكفنيش العمر كله شكر فيك

بتزيد في نظري يوم يا صاحبي بعد يوم

ده إنتوا ناس أصل وتمام

ناس رجولة مش كلام

صحبة حلوة وعشرة أحلى مية تحية ومية سلام

ده إنتوا وقت الشدة سندي

إنتوا أصحابي وأهلي

مهما أقول أنا من الكلام إنتوا أغلى حاجة عندي

أهلي وحبايبي وناسي اللي مشرفيني

لو غيبت عنكم أحس روحي رايحة مني

ما بينا عشرة وعيش وملح وكلمة حلوة

لو يوم بعدت صدقوني ده غصب عني

يا اللي الأصول والجدعنة ده طبع فيكم

في أي حتة معروفين بيبان عليكم

تملي في الخير سباقين ومقامكم عالي

إيد واحدة ديما كلكم تسلم إيديكم

ده إنتوا ناس أصل وتمام

ناس رجولة مش كلام

صحبة حلوة وعشرة أحلى مية تحية ومية سلام

ده إنتوا وقت الشدة سندي

إنتوا أصحابي وأهلي

مهما أقول أنا من الكلام إنتوا أغلى حاجة عندي