كلمات اغنية إنت اللي باقي احمد علاء 2025

إنت اللي باقي بعد كل الناس ما تمشي

أقربلي مالدمعه اللي نازلة تبل رمشي

إنت الهوا اللي اتنفسه فوقت خنقة

وفضعفي بس المح عينيك أهدا ومخافشِ

وقت اما بحتاج حضن بلاقيك جاي تاخدني

بنسى الحياه ومشاكلها لما تكون فحضني

بسرق معاك الفرحه مالأيام دي سرقة

بستقوى كل ما احس إنك بتساندني

تقدر تقول ان الحياه عايزة تكافئني

قابلتني بيك وحبي ليك إحساس فاجئني

خليتني اشوف الدنيا حلوة فيها خير

نستني قبلك كل شيء كان بيضايقني

وكإن روحي باكتشفها مالبداية

وملامحي حتى باشوفها حلوة فالمراية

أنا كنت غير ومعاك مشاعري بقت بخير

أنا عشت ليه أيامي وانت مش معايا

خليتني أحب روحي واتقبل عيوبي

وبقيت اشوف من بين ميزاتي انك حبيبي

غيرتني ومش سهل تتغير طبيعتي

كملت بيك كل اللي باقي من نصيبي

مقدرش اقول ان احنا عادي اتنين حبايب

ده انا بالمسك وباحكي معاك لو كنت غايب

هتلاقي فين عشاق حالتهم زي حالتي

بيك اكتفيت ونابني بيك مالحب جانب