كلمات اغنية أمي ثم أمي اسماعيل تمر 2016

إسمع يا

إنسانة ضحت بحياتها حتى نعيش أحلى عيشة

وياما صلت الليالي حتى نكون بأحسن حال

ما فكرت بيوم إني راح روح وراح اتركها

لأنه يا اللي مثلها ما في منهن حتى بالخيال

ولما غبت عنك أنا والله جسمي عني انحال

راح ارجع حتى ضمك مهما الليل ببعدي طال

لما تديق الدنيا فيّ ولما بيقسوا عليّ ناسي

مين غيرك بيقويني أنا بحطك على راسي

وبيشرفني طول عمري كون خادم تحت رجلك

لأنه مهما عشت ما راح لاقي مثل قلبك

ظلمتك بالبداية كثير وإنت تحملتيني

قسيت عليكي بالكلام ولا بعمرك زعلتيني

ولما كبرت أنا فهمت وبدعواتك أنا قدرت

أعرف الصح من الغلط وكلامك عندي فرض

بشوفك بنسى الرجولة بركض وببكي بحضنك

نعمة من رب الكون إنه خلقني إبنك

من بعدك ما في غالي إنت أغلى من حالي

غيابك سود نور الشمس وزود عتمات الليالي

قالوا لي الناس شو بتعني لك كلمة الصبر

قلت لهم من بعد أمي حطوا نقطة ع السطر

قالوا لي الناس شو بتعني لك هاي الدنيا كلها

قلت لهم هيّ أمي ما في حدا محلها

أمي ثم أمي، ثم أمي، ثم أمي

راح ظلني عيد وكرر حتى آخر يوم بعمري إيه

يا أول كلمة قلتها بحياتي كانت أمي

جوات روحي كبرت هي الكلمة جوة دمي

بعرف إني مستحيل أقدر أوصف بغنية

تحكي عن طيبة قلبك أو توصف الحنية

يا اللي بشوفهن جوة عيونك يا أجمل النساء

يا عظيمة يا اللي دعاكي أجمل الدعاء

إنت لا تسكني بالأرض بل تسكني بروحي

هاتي المرض عنك قبلان لو زودتي جروحي

يا محلى جروحي لما تكون كرمالك يا أمي

هاتي أوجاعك كلها حتى تجري جوة دمي

هاتي همومك كلها حتى شيلها فوق كتافي

كرمالك يا حنونة ع الجمر بمشي حافي

لو بدك عيني خديها حتى تشوفي فيها

هي الدنيا شو محليها غير وجودك فيها

يا أمي إنت جنة إنت السعادة والحياة

ما لي وطن غير حضنك أنا بقولها للممات

بجمع كلماتي حتى أحكي اللي بذاتي

ما في كلام بيوصف الإحساس اللي جواتي

أنت فرحتي وجنتي سكنتي جوة دمي

حتى الروح يا اللي فيني هيّ ملكك يا أمي