كلمات اغنية عصيان اسماعيل تمر 2022

كل البشر مظلومة طيب يا اللي ظالم وين

وكل غلطان بيعرف حاله لكن ماله عين

أنا أولكم لكن الفرق إني بعترف

بجلد حالي ع المرايا أوجاعي بتنكشف

عم داوي الناس وداري لكن دوايا مفقود

بعد كل نجاح في ألف شخص حسود

مرضت أمي الدنيا ضاقت ما عادت تسعني

قالوا كيفك قلت لن أمي عم توجعني

وكل ما ضاقت فيني بعيونها بتطلع

مع كل جرعة تفوت بجسمها كانت روحي تطلع

أنا والجرح صرنا إخوة فما عاد همني

حكيت كثير لكن ماحدا فيكم فهمني

العين اللي بتستصغرك عميها

والإيد اللي بتنمد عليك اكويها

والرقبة صامدا بعمرك ما تحنيها

والكلمة يا اللي بدا تخنقك احكيها

وين بينباع النسيان كيف منغتال الأحزان

ناس بتهوى حب النفس وأنا اخترت العصيان

ألقي التحية لكل إنسان ما إله وطن

ألقي التحية لكل طفل بمخيمه اندفن

للبطون الخاوية بدنيا مو متساوية

لكل إنسان مكسور عم يا كل من حاوية

آه ما فيني أنتمي للويل طب قول أنتمي لوين

مالي أرض يمة رفضتني السماء

ما فيني أنتمي للويل طب قول أنتمي لوين

مالي أرض يمة رفضتني السماء يا غيم

شايف ربي بعين قلبي فلا تدلني

بعرف طريقي منيح فلا تسألني

ليش الدنيا مانا عادلة ما عندي جواب

يمكن عشنا جهنم بها الدنيا خلصنا عذاب

مو مهم كل شي بقوله يكون على هواك

في ألف مغني غيري بده يلمع بسماك

هون ما حتلاقي غير يا اللي بدي قولوا

سارد ع الوجع كإني أخذ حبة لولو

بدك موسيقة ترقصك طفي دور ع غيري

لأنك مهما طرت ما راح يطلع لك مع طيري

علّي صوت الكلمة وعالج الإيقاع

عيش الدنيا زلمة لحد ما يهمك اللي باع

هون الراب نعمة بتحكي عن كل اللي ضاع

عن شباب مفنية بالشغل للنخاع

شباب مشمرة للتعب هون خلقت الشوارب

هون الراب رسالة بصوت عامل شايب

وين بينباع النسيان كيف منغتال الأحزان

ناس بتهوى حب النفس وأنا اخترت العصيان

ألقي التحية لكل إنسان ما إله وطن

ألقي التحية لكل طفل بمخيمه اندقن

للبطون الخاوية بدنيا مو متساوية

لكل إنسان مكسور عم يا كل من حاوية

آه ما فيني أنتمي للويل طب قول أنتمي لوين

مالي أرض يمة رفضتني السماء

ما فيني أنتمي للويل طب قول أنتمي لوين

مالي أرض يمة رفضتني السماء يا غيم