كلمات اغنية علمني يابا اسماعيل تمر 2015

يابا

أفكار مسممة كل يوم بيزرعوها فينا

كرهوا العرب ببعض، ربطوا إيدينا

هذا دينه مو من ديني جلدو بسلخوا

هذا رأيه مختلف عن رأيي بدبحوا

شوهتوا الأديان كلها الطيبة فيكن ماتت

الظالم داعس عالمظلوم اللي ع حقه ساكت

يا أمة محمد افهموا شو يلي صاير

مسلم عم يدبح المسلم كأنه كافر

يا أمة محمد فيقوا، ما شبعتوا تتدبيح ببعض؟

نبينا وصانا نتوحد، ليش نسيتوا الوعد؟

يابا علمني يابا، علمني كيف فيني سامح

علمني ما أزعل ع ماضي، لأنه كلشي رايح

قبل ما تعلمني فجر حالي، علمني عيش

علمني أنصر المظلوم و ساعد الدرويش

قبل ما تعلمني طول دقني، علمني صلي

علمني كيف فيني أرضي ربي، وأرضي أهلي

علمني أحكي الحق من الباطل، ما أكون جبان

علمني حب الخير وأحترم كل الأديان

علمني كيف أزرع قبل ما تعلمني أقطع

علمني كيف بلقمة الحلال فيني أشبع

علمني كيف أضحك قبل ما تعلمني أبكي

علمني كيف فيني كون صادق لما أحكي

لا تعلمني ديني بالظلم و تقطيع الروؤس

ديني دين الرحمة لو مهما تغيرت نفوس

معقول لسه في أمل نرجع متل ما كنا

معقول بشوية كلام ينضف مجتمعنا

معقول الناس تحب بعضا وينشروا السلام

يرجع الأمان تختفي كلمة الانتقام

عودوا يا بشر، ما الذي حل بكم؟

شو اللي صار يا عرب، أين تاريخكم؟

ضحكتوا الغرب علينا والشر فيكم زاد

تقاتلوا، تنازعوا، خربتم البلاد

يابا لاني مسلم صاروا يخافوا يدقوا بابي

يابا قلن إني مسلم وماني إرهابي

يابا قلن إني مسلم وماني إرهابي

يابا قلن إني مسلم وماني إرهابي