كلمات اغنية قصتنا خلصت اسماعيل تمر 2016

اتذكري قصتنا كيف كنتي من البداية

أنا احتويتك لكن أنتي بإيدك اخترتي النهاية

أول يوم شفتك فيه عيونك نسوني كل شي

حبيتك بإخلاص وانتي بتعرفي هالشي

اخترتك من بين الناس حتى تصيري حياتي

حتى تنسيني همومي، تنسيني ذكرياتي

سلمتك قلبي، سميتك تاج النساء

همساتك دايماً كانوا لجروحي هني الدواء

اتمردتي واتكبرتي، تمسكنتي حتى اتمكنتي

قلتي عني خاين مع أنك أنتي اللي خنتي

ياما داريتك، ياما بقلبي خبيتك

أم ولادي سميتك ومن دموعي سقيتك

بس الغلط كان مني مع رفيقي مشيتك

هو الشاهد الوحيد علينا لما ضميتك

ما توقعت أنه الإنسانة اللي حبيتها من سنين

رح تكسرني رح بتخون وتجرح قلبي بسكاكين (سكاكين)

قصتنا خلصت مو لابقلك دور البريئة

ما بدي ياكي بحياتي حتى لو صديقة

حتى أنساكي عندي أنا ألف طريقة

اسمعي كلماتي أوجاعي بتتحول لموسيقى

قصتنا خلصت مو لابقلك دور البريئة

ما بدي ياكي بحياتي حتى لو صديقة

حتى انساكي عندي أنا ألف طريقة

اسمعي كلماتي أوجاعي بتتحول لموسيقى

قانون الغربة صار هو الحاكم بيني وبينك

حكم علينا ما تلتقى مرة عيني بعينك

وبمحكمة وهمية بين الجاني والضحية

وقفت أنا داخل القفص وانتي بحرية

ناطر الحكم عليي لإحكي الوصية

قالوا علاقتنا مستحيلة وسكروا القضية

بلشت اتحدى العالم وقول أنك نصيبي

سميتك شمس وغنيتلك عني لا تغيبي

غروكي الناس وقالوا هادا مانو من نصيبك

عيشي حياتك بإيدك انتي اختاري حبيبك

جيتيني بكل برادة قررتي عني ترحلي

كنتي بحياتي وردة قررتي مني تدبلي

رحلتي عني طيب هادا كان اختيارك

شو متوقعة مني قضي عمري بانتظارك

أنتي وين والحب وين؟ لتعرفي قديش حبيتك

لازم تقري بكتاب حبي سنتين

قصتنا خلصت مو لابقلك دور البريئة

ما بدي ياكي بحياتي حتى لو صديقة

حتى انساكي عندي أنا ألف طريقة

اسمعي كلماتي أوجاعي بتتحول لموسيقى

قصتنا خلصت مو لابقلك دور البريئة

ما بدي ياكي بحياتي حتى لو صديقة

حتى انساكي عندي أنا ألف طريقة

اسمعي كلماتي أوجاعي بتتحول لموسيقى

إحساس أسود يعني قصتنا خلصت

صرتي متل الوردة اللي هديتك ياها ودبلت

المصدر: Musixmatch