كلمات اغنية كفى عنفا اسماعيل تمر 2023

لما بقلب البشر نشوف العنف عم يزيد

الطيبة يلي فينا عم منقطعا من الوريــد

الإنسان الراقي راقي بعقلو مو بشكلو

يلي رافض العنف وعارف وين بيوصلو

المرأة منا لعبة بايدك حتى اضل تهينا

محتاجة توقف جنبا تفهم افكارها و تعينا

مش من حقك بسهولة تلغي دورها بهالحياة

مش من حقك اتخليها تعيش عمرها بالثباة

مابتعرف إنو حوا خلقت من ضلع آدم

لحتى يكملو بعض مو لحتى يزيدها آلم

رفقاً على الإناث فهم علينا رفقا

كالياسمين في حياتنا لنبقى

و يلي حول الخدم يلي عندو إلى عبيد

يلي خلا هموم الدنيا بقلبون تتكاثر وتزيد

ماهية بشر فيا روح هية متلي ومتلك

لكن الحظ خلاها تشتغل عند يلي متلك

أرحمو من في الأرض يرحمكم من في السماء

إياكم أن تكونو الداء بــل كونو الدواء

أب زوج بنتو وهية صغيرة كرمال الفلوس

هي العادة صارت عنا لأنو ضعفت النفوس

يلي بتحول مرتك إلى خادمة في البيت

يمكن هاد مو بقصدك لكن هذا ما نويــت

ويلي عم تحرم الطفل من حقو بالدراسة

هيك بيفسد مجتمعنا هي أسما سذاجة

وين الأمومة لما أم بتتخلا عن أبنا

من كثرة المشاكل نحنا لقد هرمنا

شو بدي احكي عن أب حاول يغتصب بنتو

كيف فيني أعرف شو نوع النخوة يلي عندو

اسمع عــم غني للناس لتصحى

بكلمات واضحة منغمة بــفصحى

اسمع كــفا عنــفاً إرتقــو لــنعلى

إرفعو قيمة الإنسان حتى يغلا

ويلي جاهل بالحوار بيستخدم إيدو

مفكر إذا ما فادو الحكي العنف بيفيدو

كبر عقلك شوي قبل ما تكبر الشوارب

موجود بالحياة لكن بإحساسك غايب

ولما العنف حول شب إلى عاق الوالدين

عايش ين ببيت واحد لكن متخاصمين

العنف في الكلام مثل العنف باليدين

مثل كسر الخواطر فلا يرى بالعين

صار منهاج المدارس العصا لمن عصا

حتى بالمنازل صرنا هي الطريقة ندرسا

ربِّ أبنك بإيدك أضربو هيك علمونا

لا تسمحلو يسألك ويناقش هيك فهمونا

يا ما أطفال بعمر الورد صارو أيتام

وملايين من البشر نسيو كلمة السلام

حط ايدك يإيدي يلا بكرا إلنا ...

ولك بكفي عنف يلا نبني مجتمعنا

يلا نكسر الظلم وخلي حدودك السما

يلا نحقق الحلم وحدتنا عم نرسما

شو يلي نابك من العنف غير الخراب

من الهم بكينا دم حتى تبلل التُــراب

مارح جرح بالحكي أصلاً للجرح مافي مطرح

من كترت الهموم نسينا كيف كنا نفرح

إفتح قلبك هات ايدك يلا نبــني

مستقبل خالي من العنف لــ أبنك وأبني

كفانا عنف يا بشر أفيقو و إستفيقوا

كل يلي صار فيكم هذا فينا لا يليقُ

اسمع يا زارع العنف بدك تحصد الأذى

إسمع يا جارح القلوب الأسا لا يُــنتسا

اسمع عــم غني للناس لتصحى

بكلمات واضحة منغمة بــفصحى

اسمع كــفا عنــفاً إرتقــو لــنعلى

إرفعو قيمة الإنسان حتى يغلا