كلمات اغنية السلطه الجفراني - جابر بن هضبان 2026

في قفاية نهار وفي مقابيل ليل

كل نفساً هواها يرخي عنانها

في مرب الشناح اللي لحمها قليل

مستعد ارخص الدنيا على شانها

ليه مالي ليا غنيت صبراً جميل

واتضايق من الديره وسكانها

مايشيل الحموله غير منكب شعيل

لو تعقّد لي الايام حجانها

كل صعبة منال تعادل المستحيل

عندنا بامر ربي قضّة امتانها

لو عيون القصايد فالجزيره تسيل

مايجرح ثراها غير عتبانها

كل ماجيت اصدر من بحور الخليل

عاودت لي هنوفاً ، عزوة اخوانها

يالغزال المذيّر لاتحط وتشيل

ماتـقـوم البيوت الا بعمدانها

العبي في ذرانا يام طرفاً كحيل

وافخري مثل من تفخر بـ جدانها

في حمانا تباهي والفحي بالجديل

كل صعبه لعينك نكسب رهانها

يالعطاوي لنا بالفعل باعاً طويل

مير يوم الحمايا عانك وعانها

مايهاب المواقف غير قلب الذليل

ولايعز القبيله غير فرسانها

وانت يامحمد السلطه حضورك ثقيل

والقبيله بمثلك يعتلي شانها

خل دق البكار الوضح ياخو سهيل

تلطم الرقم الاول وسط ميدانها

المطارق علاها مثل حد الصقيل

وسمنا اللي يرد البل لـ حيرانها

انت حاكم هل الوضحا بليا وكيل

ماركه فالجزيره " وانت عنوانها "

اسمك اللي لحاله لنشاما دليل

سلطةً منزله من عند سلطانها

حول بجمع هيلاً فالمواقف تهيل

والحصون المنيعه دك بيبانها

في جنبها عتيبه محتمين الدخيل

عزوةً ماختلف فالوقت ميزانها

من ينافس عتيبه فالتحدي هبيل

مثل من يمسك الحيه بنيبانها

مكثرين الهروج ومكثرين العويل

خلهم بين لاهبها ، ودخانها