كلمات اغنية الشوط الصعب الجفراني - جابر بن هضبان 2026

الشوط الصعب

الركض في موعده عايد

والعرب لا شك مرتاحه

وجصد رمز بجايزة زايد

مستحيل يجيك بالراحه

وان حضر من للفخر شايد

عن مكانه ماحدٍ زاحه

وأبو ناصر ماقفه كايد

كل شوطٍ صعب يجتاحه

ما وقف في موقف محايد

قال يبقى الرمز فالساحه

صادر البندق على النايد

وفرها فره لمسباحه

في التحدّي ماله مزايد

وان حضر ما يحضر سياحه

ما يصرّح والفعل سايد

لو بعض الاصوات صدّاحه

والمنافس ينثتي بايد

يصفق الراحه على الراحه

قدّم النايد وهو نايد

والشجاع يهوش بسلاحه

اسمرٍ للفرجه يصايد

وانفرد ياحيّ مرواحه

وعاد دمّه ما هو بزايد

ومن غزا به يضمن ارباحه

للحقايق يعتبر قايد

زعفروه ولبّس وشاحه

نادرٍ للشارده صايد

يرفعه للقمّه اجناحه

ملك من للمرجله رايد

وكل مجدٍ معه مفتاحه

للعلوم الطيبه فايد

وسمعته بالطيب فواحه

جعل سبقه عايد وزايد

الكفو نفرح من افراحه