كلمات اغنية الصحيح يصح الجفراني - جابر بن هضبان 2026

الصحيح يصح

ولعو نار التنافس على روس العدام

مالصعبات المواقيف كود اصحابها

الفخر يحتاج راس الى خاض الزحام

جيته كل الاشاوس تحسب حسابها

مثل ساري الي فعوله على قد المقام

لاتقدم للنواميس بابله جابها

القصايد فيه تعطي الهواجيس انسجام

والمدايح فيه ترقا طويل اهضابها

والله ان اموت وانا امدحه عند الانام

لين الارض اسكن بالاكفان تحت اترابها

هذا منصى كل الامه الى جات المهمام

من جميع اديارها ومن جميع اقطابها

المضوف مشيده للمطاليق الحشام

المراجل محتمي بالفعل مرقابها

فيه من غيث الوسامي ومن حد الحسام

النوايب في يمينه تهون اصعابها

صامل يفعل الى قام ما عنده كلام

لو تجيه اهل التحدي بكل احزابها

في حضوره ياتي اهل التخاطيط انفصام

المنام يحارب اجفونهم واهدابها

ويلكم ويلاه ياهل التصاريح العظام

النواميس الكبار احضرو غيابها

لحقو اهل البل الى ردت كبار العلام

ماتروح الحجه الى حضر طلابها

وصلكم من يحكم اهل الدعاوي بالعدام

لافتل راس اشنبه ما تمس اشنابها

من رفع سقف الطموحات فكبار الحلام

لا تغره نفسه وينصدم با سبابها

اقنعو من قبل الامال ياتيها هدام

الاوايل ساري الى حضر كسابها

ارجح لا اوما على الروس فارقها العرام

وكل ما يقدم على الكايدات ارها بها

ماقلط عود تفاخر به الروس الكرام

كود يبغي يحتمي قمه يزها بها

ابلج يفرض على كل طيب لاحترام

ولا يفكر في عباد تفور اعصابها

ماحضر بالذود مقصد سلام وما سلام

جا يضيف اجداد لامجاد وسط كتابها

مايضوي الا النوادر مطيرت المنام

الجهام الي سوات الجريد رقابها

كل مرعا تجعل بصف لاخصام انقسام

شيكها يكتب قبل ما يبطل بابها

من طفاح اللحي كنها تخايل للغمام

الجماهير الغفيره تنول اعجابها

كنها اللي زينها ما يغطيه اللثام

وعودها تستر تفاصيله بجلبابها

بنت شيخ مالحقها مناقيد وملام

من نظرها من هل المعرفه هذرا بها

يامدورت النواميس باخيار الجهام

جنبو عنها ترى اشوى لكم جنابها

الاسد يحما عرينه ووقع الناب سام

هجمته يحرم من العافيه منصابها

ماهي تفيد الندامه ولا عظ البهام

للجروح الي يكود الطبيب اطبابها

اجتمعتو يوم ربي كتب والحظ قام

انرسم نيشانها واستوى مضرابها

وطار تخطيط الهقاوي مع سرب الحمام

والحلوم النرجسيه تقفل بابها

الصحيح يصح والطق فالميت حراام

وهكذا لابطال فالمعركه يدرا بها