كلمات اغنية حالة طوارئ الجفراني - جابر بن هضبان 2025

حالة طوارئ

قبل لا نبدع جديد القاف وجزال المثايل

لا اله الّا الله المعبود مبدا كل قاله

رؤية محمد عظيمه كنّها وبل المخايل

يرخص الرجال روحه لأجلها ماهو بماله

كله لعين الأسم جينا ومطلبنا الأوايل

مانبي شوطً بديل ولا نبي مركز بداله

بيّض الله وجه أبن حثلين كسّاب الجمايل

يوم طوّر مهرجان البل بتحقيق العداله

والتحدي فاالمزاين عسر ماهو باالسهايل

مايغرّه غير جاهل ضيعوه أهل الجهاله

ماورى بعض الوعايد والكلام الا الفشايل

واحدن ماهو بقد القول مدري ليه قاله

ويش عذره يوم ثارت عجة الخيل الأصايل

شرهته على الشوير ومنّته على رياله

الصياهد ماتبى الا الكفو شيال الثقايل

أبلجً يوعد و يوفي وان حمى الشوط احتمى له

علّمو نشمي لامنها وصلت خشوم الفتايل

يعتبرني مثل أخوه وعنده أقرب من ظلاله

نشمي اللي لأسمه الطيّب على فعله دلايل

أشهد أنّه نشمي أسم و فعل والتوفيق فاله

شيخ شمل أهل النظر والفعل في سبع القبايل

من رضى غصبً عليه و من سكت ماله جماله

أن قنع والا أقنعه فاالشوط لا جات الصمايل

لا خذا الاول عليه وباالتصاريح استوى له

علّم اللي ممتحنّا فاالتواصل والوسايل

ويش عنده فاالكلام اللي يقول ووش طراله

يتحدّى ويتعدّى ويتمادى باالرسايل

ماينافسنا الوكيل اللي مفوّض باالوكاله

من طلبنا للتحدّي لا يغايب ويتحايل

يتقدّم ويتحدانا براسه و بحلاله

( أعلنو حالة طوارئ شوطنا فيه الهوايل )

( من يبي درب السلامه ينفذ بماله وحاله )

من حضر معنا يشوف بعينه نجوم القوايل

المنصه لا حضرنا مقبره ماهي بصاله

ندفن أحلام المنافس حي و عيونه تخايل

ماله الا الحسره وصفقة يمينه في شماله

جات رؤية نشمي اللي باالنظر صايل و جايل

مضربه فاالفردي أخلفكم وفاالجمل الكماله

جات صفرن نخبويه ساقها يابس بلايل

كل مفروده بقيمة فلّه ولكزس وكاله

أتفقتم فاالخفى والسر من كل الفصايل

وأجتمعتم ضد نشمي وأنتصر نشمي لحاله

فوزنا واحد ولا هي بيننا والشك زايل

فوزنا لمطير فوز وفعلنا لمطير طاله