كلمات اغنية البتريوت الوليد ال عامر 2025

البارحه والنوم للي يكيلون

نوبً يشرق بي ونوبً يغرب

مرهون لذكرى ولسهر مرهون

يا ليل حل عني ويا صبح قرب

أيامنا اللي بينت كل مكنون

على ملامحنا وقامت تسرب

اسمي سفر لكن سفر خارج الكون

خليتني حاضر وفكري مغرب

واليا نشدني واحدن قلت قيلون

ما ابغى العرب تدري ومنها اتهرب

الناس بخصوصيتك لا يعرفون

لا تنشد الدكتور وانشد مجرب

خلك بلا صاحي ولا انته بمجنون

يومين صلحها ويومين خرب

ياللي على بيته تروحون وتجون

قولوا له ان صبرن صبرناه صرب

هذي ثلاث سنين والصدر مشحون

لا انته مبعدني ولا انته مقرب

اما انجح الكيه على ما يقولون

والا تذرب مثل ماني مذرب

تراك في رقبتي كما الموت مضمون

ماني محل التجربه لا تجرب

متنازلٍ عن كل خيبات وطعون

ازعل وأبعد عنك وارجع واقرب

مردده ما شامت إلا لدندون

ومعربٍ ما حب غير المعرب

انتي بتريوت المزايين بالعون

محدن يناطح زينك ولا يقرب

ونهاية الموضوع فالحفظ والصون

انته وانا والكل في دبرة الرب