كلمات اغنية المحب الصادق الوليد ال عامر 2026

إكتب بيوت الشعر للسامعين

عّلُ بأبياتك توصّل مبتغاك

من هجوسن تجعل القاسي يلين

من سعمها قال صح الله نباك

البيوت النادره فيها تزين

وعن هزيل القول ترفع مستواك

لا تدوُر للشعر عذرٍ سمين

دام لك خلٍّ تعمّد في جفاك

لا اتلفّت من يسار ومن يمين

ياقصيدي وانت نجمن في سماك

لي يحبك ما تغيره السنين

دايمن تلقاه يسعى في رضاك

يستويلك في الهوا خشمن وعين

ولا يروم يعيش في الدنيا بلاك

لو تباعد لازم يرده الحنين

لو يطول الوقت ما دور سواك

حافظ لّه سر في قلبك دفين

ماشكيته فالهوى لهذا وذاك

ان حزنت يتم من حزنك حزين

وان فرحت يصير مستانس معاك

لك غلا في داخل فواده ثمين

يرخص بعمره وروحه من غلاك

المحب الصادق إبفعله يبين

لك يسوق العمر في شفك فداك

الوفا والطيب مابين الثنين

لي بتوفيله بيوفي من وفاك

وازن ايامك على دنيا ودين

ما بعد طول العمر غير الهلاك