كلمات اغنية بنت العود الوليد ال عامر 2025

بنت العود

على ربّك كبار الهقاوي ( ي بنت العود

الهً خلقنا تحت ( حكمه وتدبيرره

ينام اللي مقضّي حياته- سهود مهود

ودونه ل ( درب الهمّ ) لفّه وتدويره

ماغيّبته كفوف الليالي - وهو موجود

ولا يوم اخذته - ضيقة عصير تقزيره

م حارب ب ( سيف الصبر ) جيش العنا المحشود

ولا كبّل ايديه ( احتياجه وتقصيره

مازادت جروحه دمعة ( العاجز المضهود

ولا ضحكة الاطفال - قامت بتخديره

ياجعله فدا راسً لاهبّت هبوب النود

يدير انتباه الكون - ل ادار تفكيره

عليه ان تداعن - مفحمات الرجال - وفود

من عيونها ياخذ - مقامه وتقديره

وجعلي فدا ( كلمة عتب ) ثغرك القرهود

ووجهً ( قميص الليل ) قِدّ قدّ ازاريره

فدا اللي مزج بين الخزامى ودهن العود

بريقه جعل ( صُناع الالماس ) في حيره

وربّ الجمال اليوسفي والعيون السود

وربّ ( ارجوازيّ المعزّل ) وتاثيره

ل اداري على صيتك من العيب والمنقود

واحنّك ماحنّ الغصن الاخضر عصافيره

واجود لك جود اكرم كريمً يحبّ الجود

واحفظك مثل حفظ ( البخيل ل دنانيره

و اغنّيك مع كلّ —- مْعزوفه ودقّة عود

واحصّنك مع كل - تْهليله وتكبيره

ومنزل غلا ( العود الابو ) ل آخر العنقود

ل يِعجز - غلاك - مفوّه الشعر تعبيره

يفجّ لك قلبً - بابه إعْن العرب مسدود

وسيره ماهب سيرتك ب نفضّها سيره

لاجتك المشاعر جمْر - كنتي لها الكمبود

واذا ضاق وجه الشوق - كنتي تباشيره

لاجيتك ثراً ممحل - تعالي حمار ورود

كما ( خدّ نجد ) وقحيوانه ونوّيره

لاجيتيني وانتي ( نجد ) جيتك وانا ابن سعود

عليك الامان - من الزمان ومقاديره

تهاديّ على عنان السما واطمعي بالزود

وعيشي وطن - مستبشر برؤية آميره

ولا طال الغياب وقام ( صمت العتاب ) يسود

وصرنا نخاف من الكلام — ومحاذيره

واخذني من اسقف عسجدك حلمي المنشود

تهندم طموحي واشغل البال — تاخيره

وسقت القدم ل اجل العلا باذل المجهوود

اذا اصبحت في ديره واذا امسيت في ديره

لاقالو ي بن هذال - وين اللقاء الموعود

م لي دربً الاّ تنتهي لك —- مشاويره

ماكنتي سوا — كل شي ، والقصد ، والمقصود

ومغزى التعب - واصل النجاح - وجماهيره -

انا اعرف غرامك م طمع به - قليل الفود

ولا حاملً مسكه - ولا نافخً كيره

لكن م عرفت انّ الهوى صخره الجلمود

مطيحه يطيح ب دمعة العين الآخيره

خطاي اني م ارسم للزعل كل يوم حدود

الين ( الرضا ) م عاد تِقبل معااذيره

وخطا قلبك انّه - ماعشق ف النشاما كود

من يموت ولا يعيش - مثله مثل غيره