كلمات اغنية تاهت دروبي الوليد ال عامر 2026

من غلقة الصدر قمت افكك بناقي

ومن الكآبه جمعت الضيق والحيره

غيّم سما الحزن واحتارت من اشواقي

ظنوني اللي تردد ( جعلها خيره )

تاهت دروبي ولاادري ويش انا لاقي

من حالةٍ غربتني عن هل الديره

يااغلى من الناس في عيني وف اعماقي

مايلفت القلب لو كثرو مساييره

عانيت في مبتلاي وشانت اخلاقي

والبال منه الظنون ازداد تفكيره

والنوم ماله لزوم يزاور احداقي

من يوم فرقاك وانا من مداويره

من همت في حبك المجنون والراقي

حفظتك ولارضيت يجاب لك سيره

وفيت معك ورميت لحبك اوراقي

والعمر ماشفت في قربك مخاسيره

مامر في عمري اللي راح والباقي

كسرٍ مثل كسري اللي صعب تجبيره

ياعنق ريم تشالى منه اعواقي

بايدينك الامر قبل تخط تعبيره

ان رحت بتروح لكن حبنا باقي

وابقى رهين الحظوظ القشر والحيره