كلمات اغنية خوية البال الوليد ال عامر 2023

مرت ثلاثين من عمري وأنا في رجاه

الغالي اللي رماني للسهر والحنين

قلت الغلا سيفن مجرب وجرب غلاه

طعني بنظرة وطعني بكلمتين

لا يا وجودي وجود اللي ما يلقى عشاه

الأرض خابر ما فيها جنة وحور عين

يامن دعيت أذكر إسمك في سجود الصلاة

ما يسقط إسمك سهو في كل سجدة جبين

خوية البال والطاري بكل اتجاه

يا كم ذكرى قديمة للقصايد كمين

أيامنا الماضية والعمر في أول صباه

من يقدر يرجعه لو كان بالأحمرين

أحبك اللي ما قيلت تحت كم العباه

يا كثر ما أقولها ومن الحياة تسكتين

يا هي مصيبة شعوري ماعرفتي ولاه

أحاول أذكرك مدري متى تذكرين

كنتي شريكة عمر واليوم قلبك صفاه

مثل ظلالي أشوفك وأقرب وتبعدين

بيوتي اللي من أول تلفت الإنتباه

صرتي تشوفينها بعيونك بيوت طين

ترى الجفا مشنقة والوصل طوق النجاه

كابرت مرة وصرتي دايم تكابرين

أبتغاضى وكل واحد يعدل خطاه

يرضيني ادنى عذر ماهو بلازم سمين

أنا في وجه الوفا واللي ما تشقر عصاه

لا ترخصيني لاجيتك طايح أمن اليدين

كرامتي عمري الثاني وأنا في الحياة

خليني أموت مرة ما هو بمرتين

مصيري أكتب على ظهر القصيدة وصاه

لحبنا اللي ما يعرف سره إلا إثنين

لحبنا اللي ما يعرف سره إلا إثنين