كلمات اغنية رضاك الوليد ال عامر 2025

كيف عمري يالغلا بتخيله عمري بلاك

من عقب ما كنت لي شي ب هالدنيا مديم

والله انه خافقي يشكي من الفرقى عناك

كل ما اذهن ريتك بفكري من العالم تهيم

انته نبض القلب و شعوره ويا احساسه معاك

وانته لي وسط الحنايا من سكن خلي مقيم

دون وصلك يالغلا كل دنيتي صارت هلاك

قمت أداري خافقٍ أمسى عقب وصلك سقيم

تدري اني لا رمشت أرحل بفكري في فضاك

وان تبادى واقعي بين بي الجرح الاليم

والله اني ما طلبت الا ب هالدنيا رضاك

وان شكيته ما شكيتك يالغضي والله العظيم

كنت احسب ان المحبه عوق وأشواك وهلاك

لين ذقت الشوق واصبح هو دوا العظم الرميم

خص لأشقى من الشوامس خافقك غر وهواك

ويلي الله دون حبه تسري الليل العتيم

وان ترنم حس منطوقه من العالم حداك

صوب داره وازم يخاشر لك الضلع السليم

ويل حالي من عنى من له ببن شامس شباك

ساق عمره للمهالك لو هو بحبه ضليم

ساق عمره من وزا عسر المشاعر في فلاك

لي انكفت شفقه تحفى لو سحايبها رهيم

يا مشاعر قلب عاشق يا بعد هذا وذاك

لك تشرع كل مابه يا بعد من بك يهيم

اعبثي ب عروق قلبي وانفضي عرشه بشذاك

واخلفي ضخ الخفوق وباريي بيوفه ضريم

واستبيح ضلع احمد واعرضي جاير سطاك

واسكني باقي الحنايا والله انه لك مديم

يا جعل كل الخلايق يالغلا كلهم فداك

من يضن يعيض عقبك والله انه عاد ضيم

انته لي شمعة دجايه مكتفي خلي بضياك

وانته لك عرش الخفوق وللمشاعر أنت غيم

عود لي بالوصل وارفق باللذي وده حواك

عود فرحة قلب عاشق مبتلي بحبك غريم

ما طلبه القلب منك منك خلي الا غلاك

وان عطيته جود وصلك وانته بوصفك كريم