كلمات اغنية دار لشويبي بدر العزي 2025

دار لشوبي وسط عيني

من مزايين الضبا ساري

والحشاما في مياديني

ترضف الشيله ع لخواري

نقشها الحنا ف ليديني

والعقد زاهي وسماري

دلة القهوه وفناييني

تزقر ضيوفي على ناري

بين لرومول وبساتيني

زارني طيفٍ على طاري

يا مها راشد وتعنيني

من بن قضيبٍ ولحراري

تلفت الأنظار وتزيني

توقف الأشواط باجباري

تمشي براحات وبليني

تحكم الميدان مضماري

تسقي عروقي وشراييني

تلمس أعماقي ( وتذكاري)

تحبس أنفاسي وتحييني

تسكن ضلوعي وهي داري

تسبق أعيان البشر فيني

يا سند وكشفلك أسراري

والمسافه بينك وبيني

دلتين بليل قماري

تخطف النظره وتعميني

من جمال العود ونحاري

والكحل وعيون تشفيني

من نظرها باذنه الباري

يا مها سيد المزاييني

انتِ حلي وانتي اسفاري

وانت جلاسي وياميني

في حضور الكلّ وخياري

تسرح الاركاب وتجيني

تحت سمره فشرق لبراري

ولا فوق السدّ تدعيني

فوق عرقوبٍ ولحباري

يا عسى الله يطول سنيني

في سماها وتكثر أمطاري

والمزن وبروق تلفيني

مالمدام وخطها جاري

توصل شوبي وتسقيني

والفقع وجنوبها ياري

ناس نغليها وتغليني

والهير بختم بها اشعاري