كلمات اغنية انتظرتك بدر بنيدر 2025

جيتني بعد الغياب وهنّ قلبي بالسلامة

باتقاضى عن هزايمنا القديمة بانتصاري

انتظرتك قبل تاتي عند بيبان الملامة

كيف تسرقني وأنا من غيبتك ما خذت ثاري

في مجيّك تضحك الدوحة على غيم المنامة

وادهرت نجد العذية وازهرت جرد الصحاري

العذر يا معشر العقال ما فيها ملامة

ليه أرد القلب عن مشهاه دام الدرب فاري

ليه أرد القلب عن مشهاه دام الدرب فاري

دورو لي خطّ ما ياقف ولا حوله علامة

والله إنه ما يفرج خاطري غير المساري

يا رهيف العود لو حبك رفيعٍ في مقامه

المسافة راودتني والمقابيل اختباري

جابتك دعوة فقيرٍ بين أذان وبين إقامة

بخت قلبي فيك يا من قربك يرد اعتباري

من حضى بمقابلك تمطر على قلبه غمامة

كيف لو يمسك إيدينك والغلا يذريه ذاري

كيف لو يمسك إيدينك والغلا يذريه ذاري

ليت عيني في مشاعرنا مثل زرقا اليمامة

وأعرف اللي ينتظرني من بعد طول انتظاري

مرّ صوب اللي يحبك صدق يا ظبي العدامة

لو تغيب الشمس ما غاب لهوى طاريك طاري

شمت عن غيرك وأنا اللي وده إنه فيك شامة

لاذت بوجهٍ يسد الليل ويزيل الغداري

كل ما شفتك تبسم لي هذيك الإبتسامة

معركة دقات قلبي معركة ذات الصواري

معركة دقات قلبي معركة ذات الصواري

أنت صوتك لا سمعته ودي أذبح له كرامة

كيف لا واجهتني وعيونك تزيد انبهاري

وأنت زينك تتفق فيه العيون المستهامة

يا حديثٍ لا هو لمسلم ولا هو للبخاري

وأنت وجهك كل ما شفته تذكرت الزعامة

جلّ شان اللي جعل للهيبة بوجهك مواري

إيه أحبك من بداية حبك ليوم القيامة

ودي لو مرة أحب الحاجة اللي باختياري

ودي لو مرة أحب الحاجة اللي باختياري