كلمات اغنية اخاوي الليل بـدر الـفـيـصـل 2025

اخاوي الليل

الهاجس اليا زهمته واخر الليل طال

يقبل وبحر المعاني للشعر منهله

يا مرحبا عد ما هبّت هبوب الشمال

وعداد وبل السحايب يوم جت مقبله

يا مرحبا مرحبا ترحيبةٍ(ن) بالرجال

ترحيبةٍ كل وافي طيّب تجمله

على الشحم والكرامه والسعه والدلال

يامرحبا عند راع الطيب والاوله

في حفلة اللي رقا بالفعل روس الطوال

اخاوي الليل راعي الطيب والمرجله

للطيب صار اسمه المعروف مضرب مثال

والفعل للطيب يضرب باروع الامثله

حرٍّ معرّب وصوفه من عمام وخوال

مافيه للطيب وصف وذكر مايشمله

المطلق اللي علومه من كمال لكمال

ما يعرف الا اجل همك واحتزم وازهله

كريم له بالكرم عاده و سلم وخصال

لو الكرم له علم تراه من يحمله

يزهاه كل المديح بشعر ولا مقال

الوافي اللي رفع طاريه طيب اعمله