كلمات اغنية الفاتن الجذاب بـدر الـفـيـصـل 2024

خذاني شوقي المعتاد لين اسهبت بالتفكير

وزعزع ليلي الهادي وزعزع صمتي المبهوت

يحايلني وأجاري به واحث به القدم والسير

ويسري ليلي المظلم وانا مهموم اجرّ الصوت

الا يالفاتن الجذاب انا الاوّل وانا الاخير

وانا اللي صار حبّي لك حياه وصار شرب وقوت

وانا اللي غاديٍ(ن) قلبه بحبك مثل قلب الطير

وانا اللي شاف ب عيونك سهومٍ(ن) حاملات الموت

محبتنا مثل ماهي ولابه داعي التبرير

ولك باقصى ضلوعي حب وإلك الغلا مثبوت

بوسط عيونك النجلا يذوب الشعر والتعبير

يزين بضحكة عيونك قصيد وخاطرٍ(ن) مكبوت

احبك كثر ما مرّت طيوفك في وجيه الغير

وعمر(ن) دون وجهك ياحبيبي تراه ممقوت

اجدد لك ولائي من محبه ، غلا ، وتقدير

ياوجهٍ(ن) في ملامحه الحيا والشفايا توت

تفاصيلك محالٍ(ن)وصفها من دون اي تقصير

وثغرك بلسم اجروح الجريح وعمره الموقوت

دخيلك من لهيب البعد والاشواق والتهجير

دخيل العنق والوجنه وخصرٍ(ن) ضامر ومنحوت