كلمات اغنية بني مالك بـدر الـفـيـصـل 2025

سبحان ربٍ بيده أعمالي ورزقي واقدري

خالق جميع الكون عالم بالوجود وما حوى

ذكره يزيل الهم لامنه تكدر خاطري

ما كنه إلا للجسد والروح طبي والدوى

واليا اظلم الليل البهيم وبان ضو المشتري

سوقو لي الفنجال راسي شفق للدله خوى

سر يا قلم واكتب محاريف الشعر في دفتري

هات المدايح خل عنك اهل الغزل وأهل الهوى

حنا بني مالك لصاحبنا أطيب من السكري

و سمً زعاف لخصمنا وأهل الردى وأهل الغوى

اليا رضينا زانت الدنيا ويا سحب أمطري

واليا زعلنا نصفق بـ سينا على وادي طوى

أمجادنا لأهل الدراسة في المناهج تنقري

تشرّف الكاتب وترفع قيمته لامن روى

واليا ركزنا البندق اللي تفري الأعدا فري

مضرابنا يبطش بروس القوم ويفض الشوى

ربعي بني مالك لباس الجنب والحصن الذري

زبن الدخيل اللي من الأتعاب والهم انكوى

أفعالنا عند القبايل والقطاع العسكري

ويشهد لنا في الحد حتى الخصم ملعون الثوى

خذنا وسام العز والناموس بالعزم الجري

يوم الردي عن ساحة الميدان في الحرب انزوى

ترثة بجيله لآ غدا للخيل فالحرب اغبري

الصف واحد ما يجي في الصف ميلة وارخوى

الكل منا للمراجل والكرم يجري جري

نقلط على الطالات والعليا بقوة و ارهوى

يا مدور الفتنة عسى لقمتك تنشب في المري

تبطون يهل التفرقة حنا سوا حنا سوا

ياللي تقل ذا عنصري اي بالله اني عنصري

مالك لوا يوم اني امدح عزوتي مالك لوى

وما يجحد حقوق الرجال إلا الكذوب المفتري

هذاك يضوي بالعلوم الخايبة لآمن ضوى

تم السلام ختام بنهاية قصيدي واخبري

وصلوا على المختار ما ذعذع من الغربي هوى