كلمات اغنية طـاقـة الـذكـرى بـدر الـفـيـصـل 2025

تهادى الشعور وحنّ خفّاقي الحسّاس

من اعماقي اطياف المحبين نادتني

يشبّ الحنين اليا غشى جمرته نسناس

على اللي بغير الحلم ما عاد عادتني

ورى طاقة الذكرى وقف دونها حرّاس

ليا جيت ابي لمحه من العمر ردتني

يالولا القصيد اللي اهدّي به الانفاس

خذتني همومي للمساري وابادتني

وجودي على الماضي ليا قفّوا الجّلاس

غديت ارسم طيوف الفرح عقب هدتني

اعسَ الطواري كنّي الطرقي العساس

على الليله اللي للتوجّاد حدتني

وامرّ الاماكن وانكر اللي بها والناس

وهي من ثلاث اعوام بالودّ سادتني

ياوجد الهدوء ان مرّته سطوة الهوجاس

يشتّت جموع الفكر من وين قدتني

ياشين البرود ان حلّ في وهجة الاحساس

يبدّد مشاعر للموايل بدتني

تضيق القلوب او انّها تبتهج لا باس

انا مع فجوج العمر للضيق قادتني