كلمات اغنية درب المفارق بندر اليامي 2020

هيه يادرب المفارق ولحظات الوداع

وهيه ياخلاً مقفّي وعيني ترتجيه

قلبي الي كنه ينزع من الجوف انتزاع

ينزعه فرقا الولايف وشيً مايبيه

اشهدن الصبر لو هو على الدنيا يباع

والله ان أسوق مالي وحالي وأشتريه

المحبه تذهب عقول وتزيد الوجاع

كل ماطال الوصل الموادع مقتفيه

والله ان حبه خذا فالمعاليق اتساع

جعل عيني ما تخسره ولا تبكي عليه

احفظه حفظ الامانه بقدر المستطاع

واعشقه عشق الأجاويد بيضان الوجيه

صرت آلبي لي دعاني وله دايم مطاع

مثل من قضّى حياته لطاعة والديه

في وجوده طاب جرحي ولاللحزن داع

وفِي غيابه كن عيوني وقلبي تحتريه

اعتنق طيفه وطيفه معي في كل ساع

واتشّفق في وصاله وأقول الوصل فيه

جعلني ماذوق طعم الجفاء والانقطاع

وجعلني ما افقد هل الوصل والعرض النزيه