كلمات اغنية موطن الشوق بندر اليامي 2021

ي باهي الخد مافيني مكفيني

انا دخيلك كرهت الهم وسنينه

البعد والشوق..تكفى لاعبه فيني

والوقت ماشفت زينه طاغي"ن" شينه

صكات ليام من يسراي ويميني

يوم الجمل طاح ي مكثر سكاكينه

يكفي شقا ي غرامي لا تشقيني

الهم والضيق راجح في موازينه

في موطن الشوق لك حرفي يسريني

تاهت هواجيس قلبي في عناوينه

وحيد مافيه حولي من يواسيني

أصارع الوقت ما أحد"ن" مد بيدينه

الجرح ينزف ولا غيرك يداويني

وأنت الوحيد اللي اقرا الحب في عينه

الله يسامح خطاي اللي معنيني

همي وحزني معك ثارث براكينه

كنت احسب انك مثل ما اغليك تغليني

والقلب يشتاق لك ي اغلا محبينه

وبخنجر الوقت تطعني وتبكيني

العمر ماراح منّه ما تردينه

ماعاد فالجسم شي"ن" تطعنه فيني

انا بقايا جروح الهم وسنينه