كلمات اغنية ﺻﺑرت بندر عبدالعزيز 2025

صبرت وشفاد بك صبرك انا كم قلت لك مابيك

خلاص ابعد ترا قُربي بطوعي مو غصب وإلزام

انا واحد ولا مثلي ولا غيري احد يغنيك

مميز نادرٍ وصفي مثل بصمه من الابهام

تعلّق في طرف هقوى على رجوة انا بآجيك

انا ويّاك ما نصلح بهالدنيا كفاك اوهام

يمرك حلم يمرك طيف يمرك هاجس يشقيك

تمر ذكرى يمر طاري ولكن جيّتي "احلام”

عطيتك وقت من عمري عرفت اني خطا مِعْطيك

ومن طيبي تحسب اني، ابرجع صدق ما تتلام

كذا "ياصقري" الجاهل اذا ما ثمّنك يشويك

يحسب الناس هي لعبه تقل ماهي بشر! أصنام

كرهتك وش تبي اكثر؟ كرهت اسئلتك وطاريك

تسائل! خمّن اجوبتي! طلبتك ما ابي استفهام

بعد هذا الحكي لو جيت حشى و اللّٰه لا يحيّيك

زمان اغبر معك عشته، عسى الاجمل يجي قدام