كوبليه ما هي كلمات اغنية من كان يا مكان تامر حسني ...؟
تاريخ طرح اغنية تامر حسني الجديده من كان يا مكان
٠٥ أكتوبر ٢٠٢٥
كلمات اغنية من كان يا مكان تامر حسني 2025
من كان يا مكان مسرحنا زمان
صندوق مليان بكنوز ورموز
وده مش تهويل
أسماء علامات صنعوا الحكايات
وسابولنا تاريخ بكى ضحك صريخ
كده جيل ورا جيل
يعقوب صنوع والقباني
جورج فاتحلك باب يا ريحاني
كان كش كش بيه يرمي الايفيه
جمهوره يقوله ارميه تاني
يا عزيز ولا يوم من أيامك
يوسف بيه مسرحه قدامك
كانوا صالة ولوب يسمعوا مونولوج
يخرجوا حافظين كل كلامك
يا علي يا كسّار في المداري
بثلاثه جنيه ماضي وشاري
يا بديع سلم ع الإبياري
وارميلنا على سمعة سلامك
ويمر زمان يجي بعده زمان
والمسرح يفضل بيت مليان دايما سكان
زكي يا طليمات عندنا نجمات
خفة إسعاد رقة شويكار طلة شريهان
طلة شريهان
يا فؤاد هات مدبولي وقوله
عادل إمام الجيل كله
وسمير لو ميت ساعة لوحده
عمر الناس منه ما هيملوا
أردش وكرم عاشوا معانا
ومحمد صبحي ده جوانا
ونجم وراضي بقفشاتهم
يا ست سميحة يا وحشانا
آه يا ست سميحة يا وحشانا
يا سهير نادي البت سكينة
يا بدير عبد العال أثر فينا
يا سعيد قول للست أمينة
رزق المسرح ناس فكرانا
وهيفضل مسرحنا بخيره
دايما ليه دوره وتأثيره
ده المسرح زي الهواء والروح
عمرنا ما نعيش يوم من غيره
اغنية من كان يا مكان تامر حسني 2025 بالكلمات مكتوبة كاملة من كلمات طارق علي والحان كريم نيازي وتوزيع مؤمن ياسر تم طرح اغنية تامر حسني الجديدة على القناة الرسمية على اليوتيوب بتاريخ ٠٥ أكتوبر ٢٠٢٥ كوبليه كلمات اغنية
- كلمات : طارق علي
- الحان : كريم نيازي
- توزيع : مؤمن ياسر
