كلمات اغنية على الهاوية تي ام اكس 2023

على الهاوية

دايماً بسمع هالعبارة انو بكرا احسن

بتمنى شوف هالشي لانو دوبنا بس نتحسر

اللي صاير فينا خيي والله صعب انو يتفسر

الف حكاية شايلا قلبي شي طبيعي انو يتكسر

يا بلاد الشام بس تعالي شوفي ابنك

متمني يرجع كلشي و ارجع بس لحظة لحضنك

انتي بتعرفي شو بداخلي مع ذلك لسا بكتبلك

رغم كلي عملتي فينا بس مشكلتي لسا بحبك

الوضع واضح كل مالو للأسوء

لو انو سوريا منيحة ما كنت شفتا لابسة اسود

ذكرياتي اللي فيها ماتت يا ترا حترجع تولد

اللي سافر و اللي ضل و اللي نصيبو كان مقولة

الله يرحمو شهيد راح بأول عمرو

هون بهدّو البلد بايدن برا بيطلعوا و بيعمرو

و السوري شو عاد يشيل دام الزمن كسر ضهرو

انا مواطن عايش صح بس عايش ميت بقهرو

بشوف العتم و النور

بشوف الفرحة و شقى

بشوف اللي بين سطور ضاعت ما بتلتقى

بلادي اللي قدرا كبير ترابها متمني زور

كبرنا و على بكير

بتعرف نحنا اول شعب نفسو ترجع حليمه لعادتها القديمه

لما كنا ولاد اصول فينا الزكرت والايادي كلا امينه

محل الجار بالجار مأمن والكل معدل وشاده ببعضا الايادي

ويا احفادي ينادي جدي اول يوم العيد نركد مبوس ايدو لناخد العيادي

و ندشر بالشوارع وعكعاب رجلينا بالحواري

كنت بالليل اضحك عحالي بكرى احسن علينا

وماكان احسن اجانا اسوء من كل الليالي

ياليالي الشمال الحزينه لابق تنطريني

وشم عايدي طالع منك صعب فيكي كمل حياتي

بعرف كلامي رح يترك ندوب خفيفه

جواتك بس جواتي عم اتقطع كل ما الرجعه صارت بعيده

لان بعرف انو الرجعه مالا رجعه لان لو برجع رح شوفك بلد غريبه

بشوف العتم و النور

بشوف الفرحة و شقى

بشوف اللي بين سطور ضاعت ما بتلتقى

بلادي اللي قدرا كبير ترابها متمني زور

كبرنا و على بكير