كلمات اغنية هبايب النسمة جازي الشمري 2025

هبايب النسمه على صدري اللي

يادوبه إيرد إنسمه و يحيابه

اقسى من إطعون العدو المغلّي

اللي يخضّب للختاله إحرابه

ارقبت في راس الرفيع المطلّي

اللي شقي الحال مثلي رقابه

ماكن مزموم الحجا مدهللي

اتقول من بيني وبينه إطلابه

ماباقي الا ينشدن عن سجلي

من عقب ماهو مرهيٍ بالرَحابه

راعي محل و اعد صرحه محلّي

واليوم لا جيته شعرتْ ابغرابه

احاول اسلى مار مامن إتسلّي

والصبر غلق مابقى من زهابه

طلّي علي ياماسة القد طلّي

و اجلي عن الضلع الهشيم الكئابه

بين المعنق والكحيل المظلّي

إيضيّع الهايم و يفقد صوابه

ماني بمليومن لياجيت كلي

للي إمجرحته زراير إثيابه

جِلْ الجمال العالمي و المحلّي

ماهوب شيّن عند حضرة جنابه

إتسابق ادقاق التفاكير جلّي

اليا اعترض طاريه دك و سرابه

عليه ترحالي و رَحلي و حلّي

ماهي تريّح دون داره إركابه

ماهو مبقّي بي ولا هو إمخلّي

مستاقن إضعون الضماير إنهابه