كلمات اغنية الفعل الصريح جمعه العريمي 2025

مرحبا ترحيبةٍ تملي الكون الفسيح

بك يافايز ياخوين لي ذراع وسلاح

عن لزومك ماتعذر وانا عرفك سميح

بس انا الي في لوازمك مادور سماح

والقصيده لي تجمل نطيبها بشيح

لين منه تقول كفت وعنها اللوم طاح

دامها تجود القريحه وانا لساني فصيح

وش عذرنا مانجملك بجزالن ملاح

وخالك فعوله تشرف ويزهاه المديح

والشعر يطرب لمدحه وياتي برتياح

ماتعودنا نورّد على العد الشحيح

مانوردها سوى العذب والعد القراح

ياسلامي عد ماغرد الطير وينيح

فوق عصنن ميلتبه ذعاذيع الرياح

مدح ابوناصر حمد يطرب الراس ويريح

دام بن حارب فعوله على القمة وشاح

صيرمين عانق والمجد بالفعل الصريح

واشرقة شمسه على العز مشراق الصباح

صاملن مطنوخ راسه وشهم وهب ريح

يالكريم اللي مساعيه في عز وصلاح

ياحمد كم كايداً طاح من كفك طريح

للطمة المعضله مالها غير اكتساح

تبتسم في وجه ناصيك يالوجه الفليح

اتجمل وانته من طيب خاطر وانشراح

ونعم مانالها الي عن الواجب مريح

ماتجيك ال بعد بذل جهد وبالكفاح

كل زايف ينتهي مايصح الا الصحيح

وانته الّي كاسب ونعم بفعولن صحاح

ماتثنتبك شبورك وعزمك مايطيح

سيرتك منها البختري ونفح العود فاح

ياحفيد اهل المواقيف والراي الرجيح

من دروعاً صيتهم في سماء لمجاد لاح

للخوي اصفى من النهر لي جاله نضيح

للعدو اقطع من المر و السم الذحاح

الكفو اتسوقني له دوافع للمديح

لا طرا طاريّهم هاجسي لجلج وناح