كلمات اغنية حزام السعد جمعه العريمي 2025

يالنادر اللي طيبات أذكاره

وعند النشاما عاليٍ مقداره

يا ساعد شيوخ البلاد الندّر

مقادم السربة نهار الغاره

لولا انك حزام السعد يا محمد

ما اشركك ابوخالد بكل اسراره

حرً يشوفون العشا بعيونك

طلعك بعيد وهمتك جبّاره

اذا بغيت المبعدات تقرب

لو المهب معاكسك تياره

واذا ضربت العاصي بمخلابك

تدخل على القلب وتشق ستاره

بو زايد اللي فاللزوم الكايد

بشّر به اللي يحترون بشاره

تشيل هم اللي ثقيلاً همه

لو انه اكبر من هرم سقاره

ولا تصد وتعتذر بظروفك

يوم ان غيرك حافظين اعذاره

رغم ان شغله مايقاس بشغلك

ولا تقاس أسفارك مع اسفاره

والا انت ياراعي الجناب الليّن

مثل السلاح ليا ضبطت عياره

جيناك في كم مره وكم مره

والطيب مامليت من تكراره

والناس في دبرة من يدبرهم

الموعدين بجنته و بناره

ولا حظيظ الا القريب من الله

اللي لحاجات البشر يختاره

الله يابو زايد يطوّل عمرك

ويجنبك شر الزمن واخطاره

شيخً نثمن خوتك ونحبك

ومخوتك عند الرجال تجاره