كلمات اغنية رجل الأفعال جمعه العريمي 2025

رجل الأفعال

ضروف الحياه اللي تضيق على الرجال

تنسيه اسمه ويتبدل به الحالي

يطارد ورا الدنيا وكنه يطارد لال

قضى عمره وروح وهو يطرد اللالي

وانا لا تلومني احس ان صبري طال

ولا حدٍ يقول ان كان صدّيت متعالي

بعد ضاق صدري من عنا الحال والترحال

على دبي دار الحي شدّيت ترحالي

نصيت الديار اللي بها الجو عال العال

لو يزورها الضايق يروّح وهو سالي

لو انه يعاني من ضغوطات او اشغال

صفى جوه وروّق بعد ضيقة البالي

وانا خذت لي جوله عليها وزان الحال

وقمت ابدع بقافي وجريت موالي

بعد ما لفتني اسم حراً حميد خصال

على قمة الأبراج شفت اسمه العالي

ابن غاطي محمد وهو مضرب الأمثال

وسيرته تتناقل وتروى للأجيالي

ما هو بس رجل اعمال هذا رجل افعال

فعايله تتكلم من اول ومن تالي

على درب ابوه يسير ما غير المنوال

تبع نهجه وواصل على مثل الأفعالي

تمره ضروف الوقت ما حركته ومال

ولا يخضع إلا لو سجد لله الوالي

محمد محمد عز قوم وذرى وضلال

محمد محمد دوم للصعب حلالي

محمد محمد طيّب السمعه ولا زال

محافظ على السمعه لو ان الزمن طالي

مايحسب حسابٍ للخساير و راس المال

ومن دون تحقيق الأمل يرخص الغالي

يوجهه بو راشد وهو للحمل شيّال

تحت امر ابو راشد بتلقاه طولي

ينافس هل التطوير في مختلف الأعمال

ومن سرعة انجازه تحسه رجل آلي

مثل ما الخوارزمي تفوّق على الاجيال

تفوّق ابن غاطي على جيله وطالي

بعد ما في داره انجز وحقق الأمال

نصى لندن ولا ردته بعد الأميالي

ومن غير هذا في الشعر له بيوت جزال

يطوّع بنات الفكر وتجيه تختالي

سلامي على بن غاطي وسيرة الابطال

يحق اني افخر فيه وارفع له عقالي