كلمات اغنية الطب البديل حاكم الشيباني 2025

يا مقيله ما عاد فـي ظلي مقيل

شدي رحالك وارحلي يا مقيله

قلبي صبر والصبر قد قالوا جميل

سنين وعذوقه عليك أميّله

شال التعب لكن تقاسمنا الحصيل

شوي لك (وشوي لي) وشوي لـه

شح الزمان وطاحت عذوق النخيـل

والبـرق مقفـي والعيـون تخيلـه

انا الكريم اللي على نفسه بخيل

ياللي كثيرك باخله بقليله

ياللي بخلتي فـي دلال الزنجبيل

وشلون لو ان الدلال مهيله

القلب يبكي لو دموعي مـا تسيل

كلش ولا دمع العيون اسيله

يفرح بي الشامت ويزعل لي خليل

ارحل وسري بالخفوق اشيّله

وأكافح الأوجاع بالطب البديل

على وعسى والا الجفا ما أتخيّله

مْن الجفا لـ انكان تبغين الدليل

كني سوات اللي مضيّع شي له

نظمت (قاف - فاق) والساعي دليل

في طرقتـه باسمـي يجيـك مذيّلـه