كلمات اغنية ديار شمر حامد الضبعان 2023

يا ما حـــلا القيلات بأكناف حايل

بضـلال طـلحٍ والمكـيف طـبـيعـي

بأكناف حــايل والجــبال الهوايل

اللي كما الجوهر حصى كل ريعي

لاصرت بين اللغف وأم المسـايل

جليسـك السبهــان ولاّ القـويعـي

بديار شــمّـر كـاسـبين الـنفـــايل

اللي لهم عصم الشـوارب تطيعي

بأجــا وسلمـى مكـرمين السـبايل

أمجـادهم من قــبل دور المنيعي

اللي حـموها بالسيوف الصقــايل

غلبا هل لطولات وأهل الصنيعي

أهــل الجــبل وافـين لا كـال كـايل

ولولا الثناء كـان القـدايم تضيعي

مـا فيه شــك ولا تبي قــول قـايل

وحاشا معشي الذيب فعله يضيعي

وراعي جـفـيفـا من خـيار الدلايل

وغضبان والمجـفي وولد القفيعي

ويامـا ويامـا لــو نعـــد الفـضـايل

ما يحـصي الكـاتب لهـا والمذيعي

وأدخـل على الله مـا نسـب القبايل

مــار إن شمّر لي ربوع وذريعــي

مــنـاثر الـبنْ الحـــمــر كـالـنثايل

عـند البيوت اللي قـراهـم سريعي

أهـل المناوخ بالسـنين السحــــايل

وترفـع لهم بيضا بصـوت رفـيعـي

وصــلاة ربي عــد مـا قــال قــايل

عـلى الـنبي الهــاشمي الشفـيعــي