كلمات اغنية سعودي وأفتخر حامد الضبعان 2019

سعودي وافتخر اني سعودي

وجندي تفتخر فيني حدودي

اقدم للخوي اجمل ورودي

واقدم للعدا نار الحرابة

..

انا للملكة درع و حصانة

عهد لاموت ماخنت الامانة

واذا الخاين نوانا بالخيانة

نولع به ولا نحسب حسابه

...

انا والله لاوقف دون ارضي

كأني واقف من من دون عرضي

ووالله لاحفطه حفظي لفرضي

ولا به شي اغلى من ترابه

....

وحنا كلنا فدوة بلدنا

من اقصى حدنا للحد الادني

نوقف صف واحد خلف اسدنا

ولا نخشى النمور ولا الذيابه

..

ليا من الملك والا عضيده

وقف واشر لنا للحرب بيده

نقول ابشر بنا ماهي جديدة

على نهج انبيانا والصحابه

....

رجال الامن سيرتنا بطوله

وامن المملكة ماحد يطوله

ولو تاخذ مع التاريخ جوله

لقيت انّا الفخر وانّا المهابه

.....

ودون الدين نتمنى الشهادة

نبي نخلد بجنات السعادة

مادام الله وعد فيها عباده

هلا بالموت وينه مرحبا به

.....

هل الفزعات حنا ياوطنا

ليا ثار الوغى منا و منا

نرد الخصم بالسيف المحنا

سعوديين ما فيها غرابه

....

يادار الطهر والاسلام نامي

مادام ان الملك للبيت حامي

فدتك الروح يادار الكرامي

انا درع الوطن وانا حجابه

...

اعبر عن مدى حبي و شوقي

عن بلاد غلاها في عروقي

واذا فاخرت حق من حقوقي

سعودي يفاخر بانتسابه